• Kod ISO: bi

Hemia i wan lanwis kreol we i stan long Inglis mo oli raetem long Latin alfabet.

Bislama (long Inglis: ; Bislama: [bislaˈma] ; mo tu, nem blong hem bifo long Franis Bichelamar [biʃlamaʁ]) hem i wan lanwis kreol, wan long ol ofisol lanwis blong Vanuatu. Hem i fas lanwis blong plante “ol Ni-Vanuatu long taon” (olgeta we oli stap long Port Vila mo Luganville), mo hem i seken lanwis blong plante long ol narafala man blong kantri. “Yumi, Yumi, Yumi”, nesenol singsing blong Vanuatu, hem i long Bislama. Bitim 95% long ol wod blong Bislama oli kamaot long Inglis. Ol narafala oli joenem sam ten wod blong Franis, wetem sam vokabulari we oli kasem long ol defren lanwis long Vanuatu, mo hemia i stap plante long ol tok blong ol plan mo animol. Nating se infliwens blong ol lanwis ia long ol wod i smol, hem i hae tumas long mofosintaks. Long besis, yumi save tokbaot Bislama olsem wan lanwis we vokabulari blong hem i blong Inglis, be grama mo saon sistem blong hem oli blong Osenia.